前几天，鹅（我）看到一段视频说上海人老（很）清高，将上海之外额（的）人都叫乡下人。说句实话鹅（我）不敢苟同，因为鹅勿（不）清楚视频中人额（的）根据是撒（啥）？假如仅凭传说中额（的）说法，就大言不惭下结论是否有噎眼眼（一点点）勿负责任额嫌疑。

       一方水土养一方人，上海人确实比较清高，但是勿是（不是）野花花（不靠谱）额清高。老底子（过去）上海额商店墙壁高头（墙上）侪（才）用红颜色额漆写勒（了）有一句口号：发展经济，保障供给。

       迭（这）句口号额（的）份量是老（很）重噶（助词），为勒迭（为了这）句口号，商业局派出邪气多（很多）采购人员向全国各地采购商品，嚡（也）有交关（很多）商店通过自介额门道采购紧俏商品，满足市民生活上额要求。因此，从局部高头（上）来讲，上海市民额幸福指数要高于全国，特别是轻纺品更是一枝独秀，辣（在）穿着方面上海人是走勒（了）全国前头（前面），迭辰光（这时候）勿管（不管）是布料，嚡（也）是布高头印额（的）花头（花样）侪是榜样式额存在，而上海人出门侪（才）会打扮一下，迭是（这是）上海人额文明跟（和）修养表现。

      上海人经常讲出门要梳妆打扮，葛是对自介（这是对自己）尊重，嚡是对别人额（也是对他人的）尊重，迭就是大多数上海人额素质，当时流传一种闲话：广东人敢吃，上海人敢穿。由此可见上海人对穿着方面比较讲究，相对而言外地人额穿着勿够时髦，来勒（在）上海人额（的）口中就是乡下人衣裳。

       乡下人在上海闲话中几乎是土气代言词。

        有人讲上海人欢喜畀（把）乡下人放勒（了）嘴巴高头（嘴上），实际高头呒（没）迭种样子（状况），如：弄堂（胡通）里额邻居有乡下头额人客（客人）来白相（玩）或办事体（事情），勿会讲乡下人来勒，而是讲乡下头额人来勒，假如迭人家（这家）邻里关系老（很）差噶（助词），就会用另外一种口气讲，伊拉（他们）乡下人来勒。

       乡下人跟乡下头额人粗粗听一下应该一样噶，实际高头有老（很）大额区别，乡下头额人仅表示土气，而乡下人带有戆额意思。

       鹅（我）听阿拉丈人阿爸（爸爸）讲，有一趟（次）伊跟（他和）丈母娘到杭州起白相（去玩），来勒（在）挑选杭州丝绸面料辰光（时候），营业员见上海人就勿（不）耐烦勒（了），嘴巴里（嘴里）啰里八嗦，丈母娘就讲：“勿（不）畀（把）阿拉（我们）当乡下人（土气）好伐（吗），买物事（东西）总是要拣（挑选）好额。”营业员碰到上海人嚡力（也）是呒（没）办法好想，只能耐心等待，等到丈母娘买好后，营业员讲勒（了）一句闲话，意思是碰到赤佬（鬼）勒（了）。丈母娘回敬一句：“乡下人（不见世面或傻瓜）。”

       写到此处，鹅（我）又想到视频里头（里面）人讲闲话忒（太）草率勒（了），因为上海人来勒吵相骂额辰光（在吵架时候）会骂乡下人，或来勒（在）老齁势额（很生气的）前提下侪（才）会骂乡下人。